Transcription
1
Monseigneur, il a pleu à monsieur de Granieu se transporter ces jours passés à Moyrenc et à La
2
Coste St André pour le faict de la demolition et desmantellement des châteaux et murs desdits
3
lieux. Il nous a donné à entendre la dificulté quil a au desmantellement dudit château
4
de Moyrenc et de la courtine diceluy et que ceulx qui y ont esté commis y ont bien
5
peu advancé ; et par ce nous prevoions les despences que le pays sera contrainct
6supporter pour cest effect et le seuillement pour le château de La Coste sur telz [barré : discourd ]
7
discours avons esté dadvis vous escrire ce mot car combien que ne
8
debvons entrer au faict de telle negociation et despence pour en après la jecter
9
sur luniversel, dautant que cest plus tost charge du roy que du pays. Toutesfois,
10
ledit pays y a tousiours interestz en ce que ceulx des bonnes bourgades
11
baillies en ayde supportent la despence sans expoir de remboursement sur ledit
12
universel.
13
Monseigneur, ce que sur ce faict vous pouvons escrire, est que ce temps
14
est mal propice pour surcharger le pouvre peuple daultre nouvelle
15despence, lequel tous les jours [barré : est ] de tous coustés nous vient faire
16
alarmes avec menasses dabandonner le tout, nous proposans garnisons,
17
taillies, passages, emprumptz, magasins, et autres surcharges ; au
18
contraire se presente par devant nous ung prejudice irreparable
19
si nous adversaires se prevaloient desdites charges ; ce que a esté
20
cause que avons requis ledit sieur de Granieu sil y auroit moien que
21
telz desmantellementz soient faictz aux despens du roy sans ce que
22
le pouvre peuple entre en despence en ce temps. Il auroit trouvé
23
un expedient davoir personnages qui se veullent charger de
24
telles demollitions en leur donnant lactraict ausquelles conditions
25
aulcuns auroient volu entendre, mesmes pour le respect du
26
château dudit Moirenc, mais depuis se sont departys de leurs
27
offres ; sur telles dificultés, avons esté dadvis, en actendant
28
voz bons voloir et commandementz, surceoir la demolition diceulx
29
châteaux et quant aux murailles que les particuliers qui desireront
30
se prevaloir de lactraict dicelles ayent à les desmolir à la
31
charge de retirer promptement tel actraict ; le surplus
32
[52 v°) nous remectons à ce que ledit sieur de Granieu vous en excript. Sur ce,
33
vous ayantz presenté noz très humbles recommandations, nous prions
34
Dieu,
35
monseigneur, vous donner en très bonne santé, longue vie. De Grenoble,
36
ce XXXme janvier 1574
37
voz très humbles et obeyssans serviteurs, les commis des estatz de
38
Daufiné
39
Bourgel